Testo Della Canzone
Non sono brigante di Otello Profazio
|
Canzoni Calabresi
Non sugnu chiddhu perfidu briganti, comu la genti mi vòsi chiamari. E’ veru, è veru chi ‘ndi fici tanti ma quantu ‘ntipatìa di peni amari!… Io non ‘rrobbai mai ‘a li povareddhi: sulu cu’ li riccuni fici abusi! E sempri difendìa li meschineddhi cuntra li preputenzi e li soprusi!… Discendu di ‘nu prìncipi francisi, sugnu di sangu nobili e gloriusu, e lu me’ cori è cori calabrisi, sinceru, bellu, forti e generusu!… Quandu mi cundannàru li giurati, ‘nsonnu mi vinni un santu di paradisu: – Li tradimenti vannu vendicati! – mi dissi e po’ sparìu all’improvvisu. A cu’ mali m’ha fattu, ci ‘ndi fici, a cu’ mi fici beni, dèssi paci: – non è peccatu – lu proverbiu dici- fari la guerra a cu’ guerra ti faci! –
|
Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.