Nonna – Marco Candiani

Gh’hoo in ment el to scossaa, quell negher,
con tanti sacoccioni che
scondeven caramei de menta
e qui castegn domà per mi.
Gh’hoo in ment la toa testina bianca
che vorarissi carezzà
e compratt on vestii sfacciaa per andà
andà insemma a ti vers el mar.

Quell mar che ti o nonna
ti te l’hee mai veduu
ma nanca in cartolina
e te gh’hee mai pensaa. Se pagarissi nonna
tegnitt vesin a mi
fatt i galitt in scossa
per rid come duu fioeu.

Gh’hoo in ment che quand che l’era festa
vegnivi la a trovatt e ti
te me cuntavet tanti stori
che mi scoltavi on poo incantaa,
te me disevet che’l por nonno
l’è restaa la in del giazz e ti
t’hee mettuu sul comò duu so bei ritratt
coi fior e on lumin semper pizz.
Saria bell o nonna
girà per la città
magari a fa la spesa
tegnuu per man de ti.
Se pagaria nonna
senti ancamò el savor
di caramei de menta
che te me davet ti.