Nuvena i Natali

Bona sira cara cugnata,
quantu onori in casa mia !,
e vui siti la ‘Mmaculata,
siti la madri di lu Messia.

Sutta on pedi di nucilla
c’è na ‘nnaca piccirilla
e ‘nnacavunu u Bambinu
san Giuseppi e san Giacchinu.

Sutta on pedi di livara
c’è na fimmina chi lava
e chi lava li fasciaturi
pi’ fasciari lu Redenturi.

Quandu nesci la Madonnuzza
va cugghiendu broschiceddhi,
faci focu e si caddia ,
fai la ninna gioia mia

Nella notti di Natali
tuttu u mundu sciala e ridi
cu rasoliu e cu’ pitrali,
e mangiari a non finiri.