Osteria

Me passa per la ment on osteria

con tant de gioeugh do bòcc e la balera.

Nostalgich pòst di ier in armonia

coi sfumadur legger de stòria vera.

Periferia del nòster vegg Milan.

Moment de festa d’on temp ormai lontan.

Coeur generos avert con tutti

e man pesant con tanti cai.

Pan e salamm,

e on bon biccer de vin…

l’è ’l magich momentin

per ben scoltà

i bei canzon del Nino Rossi,

del Mimmo, e del Pinott.

E senza el gioeugh di bòcc e la balera,

gh’è anmò al dì d’incoeu on osteria.

L’è quella del pelee, che volentera

se mangia e poeu se bev, se fà legria.

Periferia del nòster vegg Milan.

Moment de festa d’on temp ormai lontan