Sciambola

Sont el Burdun el Sciambola padron de mi e de nient,
padron di mè disgrazzi fortunn e accident
vegnù on quaj annett adrèe dai parti del Lorett
ma incoeu gh’è pocc de sciambolà mi scioppi chi in Corvett

Mi s’eri on fioeu de sciambola fàa su a la so’ manera,
de quej che per la micca hann lauràa matina e sera
de quej che hann magnàa crusca coi ratt in temp de guèra
Milan model Berlusca l’è propi una ratera

Mi sont on fioeu de sciambola e ho sciambolàa de bon
chi gh’era gh’era ‘ndava ben, vincenz marocc terron,
la mè Milan o brava gent l’era on figon bel grand
Milan leghista incoeu l’è nient g’ha nanca pü i mudand

Mi s’eri on fioeu de sciambola dal Domm a la Bovisa
per mi Milan l’era la miè la mama anca l’amisa
l’era la tela bianca del mè penel d’artista
e adess l’è on strasc color trasù de ciocc de ciucialista

Mi s’eri on fioeu de sciambola giustra birocc e vin
tirà matina in bambola in Briosca coi pumpin
d’on omm ciamàa la Wanda artista e gran signor
che a on bamba come el Bossi ghe sgagna el semper dür

Mi s’eri on fioeu de sciambola ma voeuri vess nissun
perchè Milan el mè Milan me l’han scianfàa i ladron
de gesa o de carriera gh’a minga de importansa
Milan l’è ona baldracca la gh’a nanca pü creansa

Mi s’eri on fioeu de sciambola ma voeuri vess nissun
compaign fudess on negher sciopàa drogàa terron
per mi che ho sgagnàa guèra coi mondeghi de crusca
Milan incoeu l’è pü Milan se ciama “Fiat-Berlusca”

Sont el Burdun el Sciambola padron de mi e de nient
padron di mè disgrazzi fortunn e accident
vegnù on quaj annett adrèe dai parti del Lorett
ma incoeu gh’è pocc de sciambolà mi scioppi chi in Corvett
ma incoeu gh’è pocc de sciambolà mi scioppi chi in Corvett.