Signor… Se l’era bella !

E mi hoo vist in lee,

tra tanti stell, la stella

che m’ha inzigaa pussee

i tentazion d’amor…

che dopo dent del coeur

hann pers el sò calor,

compagn del foeugh ch’el moeur.

Signor… se l’era bella! Bella bella,

ma tanto ma tanto bella de morì!

Semper de pù la m’ha impienii

el coeur cont i carezz e l’illusion

d’on sògn d’amor, che l’è restaa

per semper dent di sògn e nient de pù.

Quand gh’è la luna ciara,

compagn d’on vagabond

mi sòni la ghitara

in tucc i sit del mond.

E canti i mè canzon

inscì per scancellà

i sògn e l’illusion

che on fals amor m’ha daa.