Album
È contenuto nei seguenti album:
Testo Della Canzone
Singul de punta di Davide Van De Froos
|
I canteni rémuj e l’unda una canzòn antiga
fadiga… fadiga… fadiga e impégn e l’acqua che sbressiga sura’l légn e dal timòn la vuus del tù alé… Come mai stasira me sun che sö sta tuvaja vuncia e bisunta cul coo pugiàa de scià e de là e una dumanda per giunta chissà se diventi anca me un singul de punta… chissà se diventi anca me un singul de punta… Singul singul de punta che gira gira pirla e gira per pö negà in del venn fass sufegà di caart… Singul singul de punta che gira gira pirla e gira cul remul de la pecundria senza mai rüvà al traguaard Ma el laagh… el laagh l’è’l mè riciàmm e i soci de la barca i henn là giamò a speciamm el fazzulett in crapa e l’öcc de la pujana la facia l’è abbrunzada la schena l’è dubiada i pè söl puntapé… el sogn de’na medaja ancamò un fiaa ammò ‘na spinta… canuttiera e grinta chissenefrega de l’unda del batèll basta vurèll per mea diventà… singul de punta! singul singul de punta… E dal timòn la vuus del tù alé süduur e impègn… e l’acqua che sbrissiga sura’l legn a remà insèmm se fà menu fadiga e canten i rémuj e l’unda una canzòn antiga.
|
Il testo contenuto in questa pagina è di proprietà dell’autore. WikiTesti è un’enciclopedia musicale con lo scopo di far conoscere a quante più persone possibile il panorama musicale.