Stòrii de la mala – El Luisin tassista

In Borgh di formaggiatt, la soa mammaa l’era lavandera de color.

El sò papà l’è mòrt de man infama

quand l’era là in casanza a San Vittor.

Invece lee, quand l’era anmò tosetta,

per la Rosetta voncia là in del Guast,

a l’era la mezzana de stanzetta,

per guadagnass regolarment el past.

A l’era inamorada

del comandant di ghisa

del mandamend che gh’era

la in fond de la Bovisa.

Dopo ‘na nòtt d’amor,

nagòtt gh’ha faa pagà.

Compagn de duu pivion

insèma hann miss su cà.

A l’era onest, quand l’era on capp di ghisa.

ma per restà con lee l’ha pers l’onor,

la dignità, el pòst e la divisa

e coi liggera adess l’è a San Vittor.

Per mantegnì in casanza el sò liggera,

lee sola deperlee senza danee,

la và coi losiroeul al scur de sera

per vend on poo d’amor sul marciapee.