Studenti a operai

El giornàl dei paroni ga dito
che noialtri semo estremisti
no ‘l ga dito però che i fascisti
brusa tuto, e li lassa anca far

Se scrivemo sul muro “scuola per tutti”,
“non vogliamo la scuola dei padroni”
i risponde voialtri se boni solamente
a sigàr e a sporcar

Studenti e operai semo forti
non ne ferma la so polisia
la faremo per sempre finìa
coi paròni e la loro società

‘na scuola cusì no la volemo
la xe fata par quei che ga schei
i xe pochi i fioj de operai
che riese a ‘ndar fora de qua

Se volemo le nostre assemblee
par decider de come lotàr
i ne dise: “la scuola no se cambia”
e “qua se vien par studiar”

Studenti e operai semo forti…

E se studia che el mondo xe beo
che la fabrica xe tuta un incanto
no se parla però del sfrutamento
e de quanto che costa lavorar

De ste robe no i vol che se parla
ghe dà massa fastidio ai paròni
ma noialtri no semo più boni
de studiar sensa po’ ragionar

Studenti e operai semo forti..