U briganti Musulinu

Vi cantu li prodizzi e l’operatu
di nu gran personaggiu di sta terra,
chi fudi ‘ngiustamenti cundannatu
e chi si mise cu lu statu ‘nguerra;
e nci mandaru a modu cuncentratu
d’assai sordati poi nu serra serra:
ca parlu a vui di chidu mastru finu
chi si chjamava Giuseppi Musulinu.

Ca fu ntra la Calabria purtentusu
chi lu chjamaru tutti li giornali
‘ntutti li vandi ormai di vasciu ‘nsusu
lu re di li muntagni e generali;
d’ogni locu e paisi assai famusu
pe lu coraggiu soi fora normali,
chi d’idu si cantàu ‘ntuttu lu mundu
peffinu ntra lu locu cchjù profundu…