In meso al mar che xe…

In meso al mar ghe xe un camin che fuma,
e dentro xe ‘l mio ben che se consuma:
El se consuma a poco, a poco,
come la legna verde sora `l fogo.
Dirindindin. . . . . .

El se consuma l’anima anca ‘l corpo,
voio andarlo veder se ‘l xe vivo o morto;
e se ‘l xe morto ghe porterò el velo,
e se ‘l xe vivo dormirò con elo.
Dirindindin. . . . . .

Amore, amore, non sta dubitare,
che de le done no xe carestia;
ghe xe una barca grande in meso al mare,
de le più bele che al mondo ghe sia.
Dirindindin…

In meso al mar ghe xe una fontanela,
chi bevi de quel’aqua se inamora;
mi ghe ne go bevudo ana scodela,
m’ho inamorato in te, Marieta bela.
Dirindindin…

In meso al mar ghe xe una fontanela,
chi bevi de quel’aqua se inamora;
e mi ghe ne go bevudo un scudeloto,
m`ho inamorato in te, bel giovinoto.
Dirindindin.