L’usignol

Me dormi poc
Cuma l’usignol
El sèt cuma dormu l’usignol ?
El dormu èn minut
E pò èl sè désèda e èl canta.
E èl sèt perchè ?
Gh’è ‘na legenda.
El vec usignol
‘na volta
èl pupà dè chesti che
èl dormiva in dèl ciop dè rasi
indua gh’era èl luertis
‘n’erba tenera
che crès sultant dè not.
L’usignol
Èl pupà dè chèsti ché
Èl sè indurmentat
E èl luertis
Èl ga ciapàt li gambi.
Alura i fioi i ga imparat da so pupà
Che per mia fase ciapà li gambi
Bisogna mia dormer tuta la not.
El dormu èn minut
E po’ èl sè desèda e èl canta:
“Luertis tis tis
li gambi mii tè li ciapet pö!…