Stòria vera – El Luisin tassista

Musica di Claudio Merli

Pòrta Cicca d’ona vòlta

col laghett e i sò barconi

che rivaven da la bassa.

Sariss bell de rividèla

sòtt el sô de primavera,

come fuss ona regina

che se speggia sòra l’onda

tra la sponda e l’altra sponda del navili.

Osteria: scopa briscola trisett

el gioeugh di bòcc de sòtt i piant.

Vin e canzon tra ‘l fumm de sigaretta.

Lombardia: che la và sòtabrazett

de gent modest on poo ruspant.

Omen e dònn che tiren la caretta.

Questa chì a l’è ‘na stòria

che se ferma e la ripòsa

doe gh’è la simpatia

che la cova la gran voeuja

de fà cor la fantasia

col progress a l’incontrari

per scoltà come ‘na vòlta

la parlada tanta bella meneghina.

Pòrta Cicca quella antiga,

la se ved fotografada

sui giornai che se stampaven

quand Milan l’era di milanes!