OI ‘NDEMO VEDER I PIN FLOI x 4
vip, imbarca’ coi fioi
invita’ al concerto dei pin floi
navigavo guaivo
dentro un dirigibile
che coreva a un’ora e meza
de ritardo
suplemento lire 8.000
perche’ detto rapido, ‘sto bastardo
go’ tolto do cafe’, ‘na bira
rivo in mezo un gran casin
dove xe el barchin?
ecch … xe ‘ndai via …
bon dio e po’ rintintin.
OI ‘NDEMO VEDER I PIN FLOI x 4
fin poco tempo prima
viaggiando su
quel zaterone prevolante
in vagone ristorante
e veder sul ponte ‘sti fioi
a pie che va veder i pin floi
ridevimo e dixevimo
ma dove voi ‘ndar
sti qua xe proprio sciopai oi?
OI ‘NDEMO VEDER I PIN FLOI x 4
persi par persi, ‘ndemo a consolarse
‘ndemo al paradiso a imbriagarse
e’ l’alba, venesia
e’ piena di gente
a tochi, coi tochi sui copi
tanta ma tanta mona
meze roste meze in coma
ae sinque dea matina
coi stechi sui oci
in mezo ‘na calca mai vista
go fato el giornalista
e ghe go scrito sora
l’intervista
su ‘sto casso de concerto
dei pin floi.
OI ‘NDEMO VEDER I PIN FLOI x 4
domanda:
“siete qui per i pin floi?”
risposta:
“ih, ih, uh, uh, ho, ho,
ha, ha, he, he”
“ritenete giusti
concerti di queste dimensioni
proprio a venesia?”
“no parche’
l’e’ ‘na cita’ tropo picola
pero’ l’e’ a gratis.
vuito du tiri?”
“grassie”.
vien vanti do cocone,
dai che ‘ndemo dee bone
due tissie con passo
semistrascinato
due tissie semibuone,
semischic, semivip
semifrick che gridano:
“io venezia la odio!”
domanda: “perche’ odi venezia?”
“perche’ fa schifo!”
domanda: “perche’
non te ne sei stata a casa tua?”
i cinque energumeni
assieme alle due tissie
mi guardano molto minacciosi
e mi fasso la bea!
fasso la bea!
ore sei e cinque
in diligensa ‘ndando casa
vardo el sol e rido par no pianxer
la gente scaturia dixe
queo cossa el ga’?
e no ti lo vedi chel xe
uno de quei sciopai
che xe ‘ndai veder i pin floi.
el xe uno de quei sciopai
che xe ‘ndai veder i pin floi.
OI ‘NDEMO VEDER I PIN FLOI x 4
