Quand… Te rigòrdi – El Luisin tassista

Quand te vedevida la finestra

che te passavet,

a gh’hoo pù in ment

se te ciamavi…

Rosa o pur Maria.

E chì le sà?

Ma quell che cunta

che ben rigòrdi

quand t’hoo incontrada

su quella strada

e con prontezza

t’hoo poeu fermada.

Cara,

mi te disevi,

quand te strengevi

e intant cercavi

con frenesia

la toa bocca.

Tosa,

quand mi te pensi

me torna in ment

che al ciar de luna

con tenerezza

te me basavet

e sòtt i stell

mì te giuravi

amor eterno.

Tosa,

tosetta bella

tosetta cara

coi cavei biond

e i oeucc celest…

te ghe se pù!

Te me guardavet

e te scoltavet

quell che disevi.

Sù la mia spalla

poeu te piangevet.

Ma cosa impòrta

rigordà el nòmm?

Seri felice

de stà con tì!