Quand la vedevi passà – El Luisin tassista

Quand la vedevi passà

desòtta de cà mia,

el coeur l’era in festa e on armonia

d’ona dolcezza divina

la volava tutt intorna al mond che sògna.

Oh vita te see bella.

Dal ciel ‘na stella

con simpatia domà per mì,

la me cantava

i sò canzon d’amor de nostalgia.

E mi vivevi al ciar d’on mond tutt ròsa.

Ma lee però l’ingann la preparava

dedree del sò soris superb

de dònna bella.

In ciel i stell

canten pù per mì

i sò canzon i pussee bei.

E la nòtt, sicura la guida

la fosca tristezza

vers l’alba scontrosa

che la derva ’me semper

i pòrt del mattin.

Dònn la potenza i danee

la glòria la fortuna

in sòrt l’è ‘na pezza desoravia

d’ona ferida che brusa

ben profonda dolorosa che tormenta.

Che tosa! Che belezza!

Ma l’amarezza

la và nò via, anmò l’è chì

anca stasera.

Basitt del primm amor me passen via.

E me ritorna indree su la pell viva

el mal d’on brutt moment che anmò me ruga

quand vedi on fresch soris gentil

de tosa bella.