Sciure e garsune

Emilio Azaretti – 1935 – musicata da Anacleto Ughes

Suta au Mercau d’e Sciure, a Ventemiglia,
l’è tüti i giurni propriu in gran spřendù,
candu dae corbe se descröve i massi
cin de curui, de grazia e cin d’audù.

Ma a Ventemiglia gh’è inscì de garsune,
de garsunete ch’i san fa’ l’amù.

Lascè ciüvì, garsune,
dae vostre bele mae
ina rözà de sciure
alegre e prufümae,
cume s’i fusse note
de l’eterna cansun,
ch’a l’ince i vostri cöi
de tenera pasciun ……

Ma in giurnu a l’anu, a primavera a porta
ina gran festa, ina festa incantà,
e in çima ai carri, tüti fai de sciure,
ghe munta e garsunete a bataglià.

Oh sciure, bele mai se’ cume ancöi,
che e garsune, d’amu i ve fan parlà.